Así é. Despois dun ano e medio de actividade, de continuas actualizacións e modificacións do blog, de publicación de entradas e resposta de comentarios, cheguei ao punto en que sinto que necesito mudar, e inaugurar un novo blog. Sei que é unha incomodidade para todos aqueles que seguides puntualmente a miña bitácora, pero precisaba comezar de cero de novo.
Teño que darvos as grazas por ter seguido o meu blog case dende o seu inicio ata agora. Para min foi sempre unha grande satisfacción ver que deixabades un comentario nalgunha das miñas entradas, e participabades no blog. Teño que dicir que o mundo das bitácoras abriuse no mesmo día en que tomei a decisión de atopar compañeiros pontevedreses cos que compartir as inquedanzas acerca da nosa cidade. Gustaríame darlle as grazas en especial á Puffo, que foi o que me iniciou nisto dos blogs, e que pola súa culpa son case adicto. Tamén quero darlle as grazas aos que fostes fieis ao meu blog, coma Breogain, Brugal, César Abal, Carmiña, Dani, Lolly, Fernando da Brea, Nel, e un longo etcétera. Grazas polo voso interese.
Pero o meu andar no mundo dos blogs non remata aquí. Esta é a derradeira entrada neste blog, pero nin moito menos a derradeira bitácora. Radio Macuto pecha as portas, pero ábrense outras dúas: “A Eiriña de Pedra” (en galego), e "Pereza" (en castelán). Si, estas serán as dúas novas bitácoras. Decidín facer unha en castelán, porque encántame ler e escribir en castelán, e necesitaba, de cando en vez, escribir algo neste idioma. Estades convidados a participar en calquera das dúas bitácoras, e deixarme unha morea de comentarios (que xa o estou desexando).
Espero que vos gusten as novas bitácoras, e que gocedes tanto como gozastes con estas que agora pecha definitivamente a súa porta. Mándovos un saúdo e espero atoparvos moi pronto.
Unha aperta. ¡Ata pronto!
